الرومانسى عضوكسر اشاره اللحن
عدد الرسائل : 104 الموقع : فى الدنيا الواسعه تاريخ التسجيل : 13/04/2008
| موضوع: مبارة القرن بين فريق الصعايدة و الفلاحين الثلاثاء أبريل 29, 2008 10:23 am | |
| مبارة القرن بين فريق الصعايدة و الفلاحين وبيذيعها هريدى و بيقول:-
_ كابتن هريدى يحيكوا من الملعب بتاعنا احنا و عليا الطلاج بالتلاته الملعب بتاعنا احنا .
وزى ماحنا شايفين الاستاد مليان على اخره تسعين الف متفرج مش فاهمين حاجة واصل فى الكوره .
و بيتوسط المجصورة الرئيسيه المعلم عماشه ابو الضبع و حرمه اكبر تاجر شكاير اسمنت فاضيه و هو اللى هيسلم البلاص للفريج الفايز .
_ و زى ماحنا شايفين الفرجتين نازلين ارض الملعب يدلعوا دليع و الفريج بتاعنا نازل بالزى الرسمى بتاعه وهو العمم البمبى و الجلاليب البيضا المخططه لبنى بالطول و الجزم البنى المربوطة بفتله من جدام .
_ وبيمثل الفريج بتاعنا النهارده فى حراسة المرمى الكابتن عمار ابو خلف الله و خط الدفاع فيه الشمندى و الجماوينى و الاعرج و الدمرانى على فكرة يا جماعة الدمرانى ده اصغر لعيب فى الملعب عنده اتنين و تمانين سنه و كان بيلعب مع الاشبال تحت سن سته و سبعين سنه .
خط النص من تلاته هم : قناوى و المنياوى و الجرجاوى اما فى الهجوم تلاته برضه هم : عسران و وهدان و معاهم نجم نجوم الفريج حمدان ابو خطوة و هو لابس الجلابية رقم متين و اربعين ياريت الكاميرا تجيبهولنا وهو بيربط حبل السروال بتاعه .
و زى ماانتو شايفين الارض بتاعتنا خرسانيه مسلحه مش نجيله زى ملاعب الخنافس يعنى اللى هايجع مش هايجوم تانى والملعب عليه اربعين غفير ببندقيه عشان يطخوا اى لاعيب يتسلل !
و الجهاز الطبى للفريقين بيتكون من اتنين داكاتره وهم الاسطى رجب حلاق الكفر و المعلم خشبه حانوتى المركز و معهم المساعد مسعود تاجر البصل و هو جايب معاه شوال بصل عشان يفوق ويصحصح اللاعيبه
_ بيحكم الماتش النهارده الكابتن الكبير ابو العينين الكفيف .
_ مع اول طلجه من مسدس الحكم يبتدى الماتش بهجمه سريع للفريج بتاعنا
و الكرة مع حمدان و بينفرد بالجون و يجتله و يشوط الكرة فى العارضة
و الحكم يضرب نار معلنا فاول على حارس المرمى و يعترض اللاعب شرقاى
واللاعب قليوبى من فريج الفلاحين و يعترض معهم جمهور الفلاحين و يلقى
الحكم بالطماطم و البطاطس و البيض المسلوج .
و ترد الجماهير الصعايده بالقنابل و الديناميت
و يولع الماتش حريجة و تيجى المطافى و الماتش يتلغى بفوز الحكم
اتناشر صفر .
و كان معكم من وسط هذه الاحداث المعلق الرياضى هريدى عبد الغفور من
امام تلاجة الميه اللى فى الكشك بتاع السجاير بتاع الواد ابو العلا ولد البت نبويه جارتنا ....... | |
|
ولعـــ المحبه ـــه Admin
عدد الرسائل : 92 تاريخ التسجيل : 06/04/2008
| موضوع: رد: مبارة القرن بين فريق الصعايدة و الفلاحين السبت مايو 03, 2008 11:18 am | |
| بص بجه الموضوع دهى جميل جوى زى لهطيت الجشته الله ينور واتمنى تجبل مرورى وفى انتظار جديدك ولعــــــــــــــــــــــــ ـــــــــــــــــــــــــــــــــه | |
|
الرومانسى عضوكسر اشاره اللحن
عدد الرسائل : 104 الموقع : فى الدنيا الواسعه تاريخ التسجيل : 13/04/2008
| موضوع: رد: مبارة القرن بين فريق الصعايدة و الفلاحين الإثنين مايو 05, 2008 7:03 am | |
| جووووووووووول ربنا يوفجنا على اللى احنا بنعمله يارب هبلانا من لدنك رحمة وقنا عزاب النار | |
|